Մայիսի 2-ին տեղի ունեցավ #ՄԵՆՔ-ի առաջին վեբինարը (թեման՝ Մեդիացիան՝ որպես վեճի լուծում), որը վարեց«ՄԵՆՔ» Լոռու մարզի երիտասարդական ՀԿ-ի անդամ Նարեկ Փիլոյանը:
✅Մասնակիցները ծանոթացան վեճերի, դրանց լուծման տարբերակների, այլընտրանքային վեճի լուծման մեթոդներին և վերջինիս տեսակներից մեկի՝ մեդիացիայի մասին:
✅Ծանոթացան նաև մեդիացիայի գործընթացին և մեդիատորի գործառույթներին:
💭Մասնակիցներին հնարավորություն տրվեց կազմակերպել քննարկում և բանավեճ:
«ՄԵՆՔ» Լոռու մարզի երիտասարդական ՀԿ-ն կազմակերպում է անվճար վեբինար միջանձնային վեճերի և դրանց լուծման տարբերակներից մեկի՝ մեդիացիայի մասին:
Դասընթացի նպատակն է երիտասարդներին ծանոթացնել վեճերի, դրանց առաջացման և լուծման տարբերակներին: Մասնակիցները վեբինարի ընթացքում հնարավորություն կստանան գործնական կիրառել մեդիատրի հմտությունները, ինչպես նաև դասընթացի ընթացքում մասնակիցները կարող են կազմակերպել քննարկում՝ թեմայի վերաբերյալ:
Քննարկվող հարցեր՝
• Ի՞նչ է վեճը
• Որո՞նք են լուծման տարբերակները
• Ի՞նչ է մեդիացիան
• Ո՞վ է մեդիատրը
Վեբինարը կվարի «ՄԵՆՔ» ՀԿ անդամ Նարեկ Փիլոյանը, ով 2019 թվականի նոյեմբերին մասնակցել է ReMeDY. Ready to Mediate? Direction:Youth! միջազգային ծրագրին և ուսումնասիրել մեդիացիայի գաղափարը։
Վեբինարին մասնակցելու համար կարող եք գրանցվել հետևյալ հղումով՝ tooyn.am/Oo4E
Վեբինարը կայանալու է ս.թ. մայիսի 2-ին ժամը՝ 18:30-ին՝ ZOOM հարթակով: Հղումը կուղարկվի գրանցված մասնակիցներին:
Մարտի 17-ին Վանաձորի համայնքապետարանի նիստերի դահլիճում տեղի ունեցավ հանդիպում, որը նախաձեռնել էր «ՄԵՆՔ» Լոռու մարզի երիտասարդական ՀԿ-ն։ Հանդիպման նպատակն էր Վանաձորում գործող քաղաքացիական հասարակության կառույցներին, համայնքապետարանին և Լոռու մարզպետարանին ներկայացնել Սպորտի և երիտասարդության հարցերի նախարարության «Տարվա երիտասարդական մայրաքաղաք» ծրագիրը, քանի որ նպատակ կա 2019 թվականին Վանաձորն առաջադրել որպես երիտասարդական մայրաքաղաքի թեկնածու քաղաք։
Ծրագրի ներկայացման համար ՀԿ-ի հրավերով Վանաձոր էին ժամանել նախարարության երիտասարդության վարչության աշխատակիցները, ովքեր կարևորեցին տեղական իշխանությունների և հասարակական կազմակերպությունների հետաքրքրությունը ծրագրի հանդեպ։ Հանդիպման ընթացքում հնչեցին բազմաթիվ հարցեր և առաջարկություններ, թվարկվեցին այն կարևոր կետերը, որոնց որպես հայտատու քաղաք պետք է ուշադրություն դարձնել։
«ՄԵՆՔ» ՀԿ-ն իր շնորհակալությունն է հայտնում նրանց, ովքեր այդքան կարևորում են երիտասարդական կյանքի ակտիվացումը Վանաձորում և դրա համար պատրաստ են նախաձեռնել համապատասխան գործողություններ։
Հետագա քայլերի մասին ՄԵՆՔ սիրով կիրազեկենք բոլոր հետաքրքրված քաղաքացիներին։
Հանդիպման մասին պատմող Լոռի ՀԸ-ի պատրաստած տեսանյութը՝
Մարտի 8-ին աշխարհի տարբեր երկրներում տոնում են կանանց միջազգային օրը։
Հայաստանի Հանրապետությունում կանանց իրավունքները ամրագրված են ՀՀ գերագույն իրավական փաստաթղթում՝ Սահմանադրությունում։
Սահամանադրության 30-րդ հոդվածը սահմանում է կանանց և տղամարդկանց իրավահավասարությունը։
Կանայք եւ տղամարդիկ իրավահավասար են: ՀՀ Սահմանադրություն, Հոդված 30
Իսկ ահա Միավորված Ազգերի Կազմակերպության կողմից սահմանված «Կայուն զարգացման նպատակներ»-ից 5-րդը միտված է կանանց և աղջիկների զորացմանն ու իրավահավասար հասարակություն ձևավորելուն։
Հասնել գենդերային հավասարության եվ զորացնել բոլոր կանանց ու աղջիկներին։ ՄԱԿ-ի Կայուն զարգացման 5-րդ նպատակ
Մենք ձգտում ենք ունենալ այնպիսի հասարակություն, որտեղ դուք կլինեք պաշտպանված ու սիրված, առանց խտրականության ենթարկվելու ու իրավահավասար։
«ՄԵՆՔ» Լոռու մարզի երիտասարդական ՀԿ-ն սիրով շնորհավորում է բոլոր կանանց և աղջիկների տոնը։
